|
Chiamàteme nu chiaveco,
chiamàteme fetente;
ma si faccio nu pìreto
ne godo veramente. Si magno pasta e
ccìcere,
nzieme cu dduie fasule,
è nu piacere ssèntere
comme scurreggia 'o culo. Sarà nu
brutto vizio;
ma chi è ca nun 'o tene?
Anze, è 'o cchiù fesso ' ll'uommene
chillu ca s' 'o mantene. Ve sfido a
contraddìrmelo
ca, si nun fa rummore,
ve fa piacere 'e sèntere
'o ppucurillo 'addore. E etutte
quante, in genere,
ne fanno grande abuso;
sulo 'o signure nòbbele
s'appìllano 'o pertuso. Si uno, per
esempio,
tene delure 'e panza,
facenno quatto pérete
fernesce ogne lagnanza. Appeno 'o
culo scàrreca
te passa tutt' 'o mmale,
e puose cu nu pireto
'o piso 'e nu quintale. Si chesto
nun succede,
'a panza cchiù s'abboffa
e fai na puzza seria:
se scàrreca na loffa. Pirciò, chi
affoca 'o pireto
é proprio 'o rre d' 'e fesse,
pecché 'a puzza, é logico,
se sente sempe 'o stesso. E' vizio
ereditario
ca tengo da guaglione;
papà faceva 'o pireto
ccchiù forte 'e nu cannone. V' 'o
ggiuro, non esàggero,
ca na vota, cacanno,
papà schiattaje nu càntero
e s'abbucaje nu scanno.
E me diceva: - E' inutile,
'o pireto vo' 'o sfoco:
'a puzza è cchiù terrìbbele
si 'o cacce a poco a poco. Te ponno
pure dicere
ch' é pìreto malato,
ch'é ghiuto int' 'a milizia
e ll'hanno rifurmato. Ma quanno tu
lle scàrreche
nu pìreto che vale,
allora le può dicere:
"Chisto è nu generale!".
|
