|
Abbandonata nel tuo lebbrosario ,
inchiodata alla croce
d'un lungo calvario ,
larva d'un fasto lezioso
avvolta da un tenue sudario ,
reietta città .
Con i tuoi occhi di tenebra
eppure respiri
il tuo cuore aritmico
pulsa
mentre intorno le case di latta ,
scenario di beffa ,
testimoniano , ossario di storia ,
l'ignavia di tanti .
Eppure sospiri
e soffri , e non sei masochista ,
ed ancora tu canti ,
lavori e rattoppi
gli stracci , impregnati di pianto ,
di teneri idilli
tessuti tra notti d'attese
d'un alba diversa .
CI MANCHERANNO
dedicata a
Massimo Troisi
Ci mancheranno , Massimo ,
in questo a volte strano divenire
la tua parlata , il tuo gesticolare ,
le battute istintive
la tua gran voglia di comunicare.
Ci mancheranno , Massimo ,
le tue mimiche uniche
ad effetto sicuro , inconfondibili ,
la tua maschera comica
che celava il segreto del tuo cuore
che ti tradì quel giorno all'improvviso .
L'eco del tuo " postino " di Neruda
è come un urlo , Massimo ,
è dolore !
|
So' turnato ccà 'ncopp' 'e quartiere
ce mancavo , nun saccio 'a quant'anne ,
vola 'o tiempo , Giesù pare aiere ,
quanta facce sparute so' 'a tanno .
Quanta cose se songhe cagnate
comme pure è cagnata sta ggente
guarda annanze , luntano è 'o passato ,
nun è cchiù abbandunata e pezzente .
Chi me vede 'e passà , furastiero ,
comme fosse , chisà , nu turista ,
nun 'o ssape io na vota chi ero
me chiammavano allora : L'artista !
Si , n'artista , che jevo p' 'e viche
miez' 'o tanfo 'e sudore e cu' 'a famma
quanno Dio me pareva nemico
e 'a Madonna matrigna e maje mamma .
Quanno arraggia appannava chist'uocchie
'o destino pareva fetente
me sentevo tremmà 'int' 'e ddenocchie
e cantavo...cantavo...pe' niente .
Faccio parte pur'io 'e chistu vico
ma ogge songo sultanto " turista "
chi me sape , m'apprezza e m'è amico
e pirciò nun s''o scorda l'artista .
|
E' autunno !
Mmiez''o niro-fummo 'e ll'aria
p''a via 'e sta città
senza cchiù verde
veco n'albero annuro
e attuorno a 'e rame sicche, scheletrite ,
na chiorma d'aucelluzze appaurate...
E' nu lamiento 'o suono , è nu rummore ,
comme 'mpazzute voleno
pe' suspiro : ussiggeno...
N'accanimento inutile !
...e a uno a uno cadeno
'ncopp''all'asfalto traditore e ummedo
d''o marciappiede sulitario e traggico .
Vedennele accussì
sponta na lacrema
'e na tristezza
ca nun se po' credere .
|
C''o primmo suspiro d''a sera
te scite ricordo luntano
e ''nnanze a chist'uocchie accumpare
na faccia , na vocca , na mano .
E' autunno e sta rena ch'è 'nfosa ,
p''e lacreme doce d''a luna ,
cu' ll'onne d''o mare se sposa
e tu nun ce staje , che sfurtuna .
Cà a Ischia nu juorno d'estate
nascette pe' nuje chill'ammore
e po' quante e quante nuttate
passate cu' tte core a ccore .
Mo chiove e sti lacrime 'e luna
ca 'nfonneno 'e strade vacante
dint'a chist'uocchie una a una
se 'mpizzano e appicciano 'o chianto .
Te cerco pe' miez''a pineta
addò 'nfaccia a n'albero antico
saziaste l'arsura 'e sta sete
facenno l'ammore cu' mmico .
E guardo 'ncantato 'o castiello
addò 'ncop''o ponte nu juorno
a mme t'astrigniste felice
cu''a faccia arrussata p''o scuorno .
Attuorno è deserto ma Ischia
'a tengo 'int''o sanghe , 'int''e vvene
e allora ce resto aspettanno
dimane chisà n'atu bbene .
Cchiù forte 'e sti lacrime 'e luna
cchiù forte d''a forza d''o mare
'a sento vicino 'a furtuna ,
speranza è na luce 'e lampara... |
(Kb
877))